Një ngjarje ka tronditur qytetin e Vlorës ditën e sotme. Një person ka qëlluar 2 herë me breshëri Kallashnikovi në një pikë bastes në zonën Kali i Trojës në Vlorë.
Personi që qëlloi me armë zjarri, kishte patur një konflikt me truprojën e një lokali në vendin e quajtur “Kali i Trojës”. Ditën e sotme, ai ka tentuar të hakmerret duke shkuar me mjetin e tij drejt lokalit dhe i armatosur me automatik.
Pasi ka gjetur truprojën, agresori ka qëlluar dy herë me breshëri në ajër, mirëpo për shkak se zona ishte mjaft e populluar është përhapur panik. Agresori ka marrë mjetin dhe është larguar menjëherë nga vendngjarja. Mësohet se ai është identifikuar pasi mjetin e tij e ka braktisur disa metra më larg. Policia vijon kërkimet për kapjen e tij dhe për zbulimin e motiveve të sherrit.
