Deputeti demokrat Arben Ristani i ka drejtuar disa pyetje kryeministrit Edi Rama në një reagim pas takimit të tij me ambasadorët, ndërsa nuk mungon as akuza se ka përfituar para nga droga me të cilat ka planifikuar blerjen e votave.
“Droga e bën të papërgjegjshëm Edi Ramën për çfarë thotë dhe çfarë bën. Pasi e ka mohuar për një vit me radhë, tani kërkon të justifikohet para ambasadorëve dhe vendeve të BE, të cilët e konsiderojnë drogën e Shqipërisë një kërcënim për sigurinë”, tha Ristani.
Sipas tij, Edi Rama duhet t’i sqaronte sot ambasadorët për:
1. Pse në një vit Shqipëria u mbulua me drogë?
2. Si u ndërtuan 20 pista avionesh për transport droge?
3. Pse dekonspirohen aksionet e prokurorisë dhe nuk arrestohen trafikantët?
4. Pse nuk arrestohet Klement Balilaj i quajtur koka e trafikut të drogës në Ballkan?
5. Sa është sasia e drogës së prodhuar në terësi kur vetëm nga 0.2% e sipërfaqes së pashkatërruar, sipas Ramës, janë kapur gati 200 ton.
6. A u tregove ambasadorëve sa para ke përfituar nga droga dhe sa ke planifikuar për blerje votash. Dhe dy pyetje për shown me leterpërgjigjen e Avramopulosit
7. Pse i çove letër Averamopulisit për t’i kërkuar ndihmë, pasi droga u korr e u trafikua nga bashkëpunëtorët e tu?
8. Pse nuk kërkove ndihmë në sezonin e mbjelljes së drogës dhe deri sa u korr? Po të kishe me vete dhe Roshin e Bushin do ishe me bindës për punët e drogës se t’i njihesh si përdorues dhe përfitues, jo kultivues.
Ai thekson se tashmë është tepër vonë për shown propagandistik me drogën. “Koha e Edi Ramës ka mbaruar bashkë me sezonin e hashashit”, deklaroi Ristani.
