Deputetja e PD-së Albana Vokshi e ftuar në “Studio e hapur” të Eni Vasilit ku akuzoi qeverinë se numri i lartë i azilkërkuesve shqiptarë vjen si pasojë e mungesës së vendeve të punës.
Vokshi u shpreh se pavarsisht premtimeve për 300 vende të reja pune shumë shqiptarë janë të papunë duke gjetur mundësitë për tu larguar jashtë vendit për të siguruar të ardhmen e tyre si azilkërkues.
“Ne jemi i vetmi vend jo në konflikt me një numër kaq të madh azilkërkuesish. Pse nuk ua siguron të gjithëve një vend pune, ju premtuat 300 mije vende të tilla?”, tha ajo.
Albana Vokshi përballë ministrit të punës Blendi Klosi tha se situate është tepër shqetësuese ku fshatra të tërë po shfarosen pasi 10 % e popullsisë po aplikon për të ikur jashtë Shqipërisë.
“Çështje që është bërë problematikë jo e vogël. Dakord me atë që tha ministri që shqiptarët e kanë pasur prej dekadash dëshirën për t’u larguar. 10% e popullsisë po aplikon për të ikur. Është shumë. Ka fshatra të tëra që po shfarosen, nuk gjen asnjë njeri. Është gjenocid”, tha Vokshi.
