LSI-ja nuk e ka pritur mirë deklaratën e kryeministrit Edi Rama se është në pritje të vendimit të LSI për vazhdimin e koalicionit edhe për një tjetër mandat nëse LSI nuk rimartohet me PD, ndërkohë që ka dhënë dhe një tjetër sinjal kundër ligjit të “Mbetjeve”.
“Nuk jam këtu dhe nuk preferoj të merrem as me batuta dhe as me mistrecllëqe batutash”, tha Sekretari i Përgjithshëm i LSI, Luan Rama.
Rama tha se me rëndësi për mazhorancën dhe qeverinë është përmbushja e reformave.
“Është e rëndësishme që mazhoranca dhe qeveria të jetë e përqëndruar tek përmbushja e detyrimeve dhe reformave. Është shumë e rëndësishme realizimi me seriozitet dhe përkushtim i reformës zgjedhore, lufta kundër krimit dhe trafikut të drogës.Realizimi i reformave ekonomike për të sjellë produkt në cilësinë e jetës”, tha Rama.
Sa i takon ligjit për menaxhimin e mbetjeve, Rama dhe se LSI do ta vlerësojë me shumë seriozitet dhe maksimalisht, duke respektuar të gjitha ndjeshmëritë dhe mbi çdo ndjeshmëri interesin publik dhe interesin e vendit.
