Protestës së Aleancës Kundër Importit të Plehrave i janë bashkuar dy këngëtaret, Elina Duni dhe Eda Zari, të cilat mbajtën të dielën në mbrëmje dhe një koncert protestë para Piramidës që u ndoq nga shumë qytetarë.
Ligji tashmë kthyer nga Presidenti Bujar Nishani për t’u rishqyrtuar në Kuvend, ndërsa shoqëria civile kërkon që ligji të votohet kundër nga deputetët.
Ligji për importin e plehrave është hartuar nga Partia Socialiste, e cila mbrohet me forcë nga kryeministri Edi Rama, i cili ka deklaruar se do ta votojnë përsëri.
Dy këngëtaret gjithashtu janë deklaruar publikisht dhe kundër ndërtimit të HEC-ve në Valbonë.
Një ditë më parë në Tropojë u zhvillua koncerti-protestë kundër ndërtimit të HEC-eve në Valbonë. Qytetarë të shumtë nga e gjithë Shqipëria u mblodhën për të kundërshtuar ndërtimin e HEC në këtë zonë natyrore por edhe personazhe të njohura të skenës.
