Të mbledhësh paratë për të blerë një shtëpi mund të ju merr shumë kohë. Duhet të gjesh një punë të dytë, të hash më pak, të mos e ndjekësh teknologjinë – dhe këto janë vetëm pak nga shumë gjëra që duhet të mënjanoni për të kursyer.
Apo mund të bëni çfarë ka bërë kjo femër duke realizuar një plan të paparë për t’i bërë të tjerët të paguajnë për të.
Kjo grua, e njohur vetëm si Xiaoli nga Shenzhen në Kinë, ia ka dalë që të mbledhë mbi 15 mijë e 500 euro duke i bindur të dashurit e saj, 20 burra dhe djem, që t’i blejnë asaj nga një iPhone 7.
Më pas ajo i shiti telefonat përmes ueb-faqes Hui Shou Nao dhe ka arritur të mbledhë mbi 15500 euro për të blerë një shtëpi në fshat.
Sipas Proud Qiaoba, i cili me sa duket punon me Xiaolin, thotë se ajo nuk vjen nga një familje e pasur dhe “nëna e saj është shtëpiake dhe babai i saj është punëtor migrantësh, ndërsa ajo është fëmija më i madh i tyre”.
“Prindërit e saj po plaken dhe ajo mund të jetë nën presion të madh për t’ua blerë atyre një shtëpi. Por është e pabesueshme se si ia ka dalë që ta shfrytëzojë këtë metodë”, ka thënë Qiaoba.
Siç raportojnë mediat ndërkombëtare, femra në fjalë i ka shitur të gjithë iPhonat nga rreth 770 euro për copë në ueb-faqen e sipërpërmendur, e të cilën BBC-së ia ka konfirmuar edhe vetë ueb-faqja Hui Shou Nao.
Disa njerëz e kanë kritikuar atë dhe e kanë quajtur të “pafytyrë”, por shumica e kanë lavdëruar për idenë.
