Kanë dalë detaje të reja për plagosjen e 29-vjeçarit Andi Mustafaraj në zonën e ish-Ekspozitës, afër gjykatës së Shkallës së Parë të Tiranës.
Dyshohet se atentati është bërë pasi Mustafaraj ka lidhje me një tjetër vrasje të bujshme në kryeqytet, atë të Elton Çiços.
Madje edhe atentati është i së njëjtës formë, në lokal në zonë të populluar.
Sipas dëshmitarëve, 29-vjeçari ka qenë i ulur vetëm në verandën e një lokali në momentin që është qëlluar.
Një person ende i paidentifikuar i është afruar dhe ka qëlluar tre herë me armë, dy prej plumbave e kanë prekur njëri në shpatull dhe tjetri në krahë.
Më të kryer krimin, autori është larguar në këmbë, ndërsa dyshohet që një automjet e priste në një rrugicë që lidh bulevardin me lokalin.
Nuk ka ende informacione nëse Mustafarja kishte precedentë të mëparshëm penale, por dyshohet se ai ka qenë pjesë e bandës së Elton Çiços që e kanë pasuar aktivitetin e tyre në Tepelenë.
