Një shqiptar që merrej me trafik droge e që furnizonte pjesën verilindore të Britanisë është dënuar dje me 4 vite e 6 muaj burg.
Në vitin 2013, policia britanike godit një grup të krimit të organizuar që furnizonte me drogë rajonin.
Një prej anëtarëve të bandës ishte edhe 35-vjeçari Astrit Malo (foto), i cili mundi të arratisej nga vendi për t’u rikthyer dy vite më vonë në Mbretërinë e Bashkuar, edhe u arrestuar.
Malo ishte përfshirë edhe më herët si korrier droge në Midlands. Ai u dënua të enjten me 4 vite e gjysmë burg nga Gjykata në Newcastle.
“Malo ka luajtur një rol themelor në grupin e krimit të organizuar dhe ishte përgjegjës për furnizimin me drogë në verilindje”, tha inspektori i policisë, Paul Waugh, i cili udhëhoqi hetimet.
“Pavarësisht se ai u largua nga vendi, ne vazhdimisht e kemi mbajtur nën vëzhgim dhe ai pagoi çmimin për përfshirjen e tij në trafik kur u kthye në vend”, shtoi ai.
