Ka shkaktuar debate në opinionin publik rasti i nënës së divorcuar nga Gjirokastra me historinë e saj në Tv Klan mbi kërkesat e kryetarit të gjykatës së këtij qyteti, Guximtar Boçi, për favore seksuale në këmbim të fitimit të një çështjeje.
Por kush është nëna e divorcuar që regjistroi kryetarin të Gjykatës së këtij qyteti Guximtar Boçi që kërkonte favore seksuale për fitimin e një çështjeje.
Ajo jeton me dy fëmijët e saj në Gjirokastër. Familja e saj është marrë në mbrojtje nga policia. Ajo është R.I, 38 vjeçe nga Gjirokastra.
Mësohet se gruaja e ka humbur çështjen që kishte me familjen e ish-burrit të saj në shkallën e parë edhe në apel dhe tashmë ajo po shqyrtohet në Gjykatën e Lartë.
Të gjitha regjistrimet audio janë bërë prej saj në dy takime.
Në të parin ajo ka biseduar në një lokal me kryetarin e gjykatës Boçi dhe në tjetrin ajo është takuar me gjykatësen e çështjes së saj.
