Bashkia e Tiranës do të bllokojë sërish rrugë të tjera në kryeqytet duke shtuar kaosin që ditët e fundit e ka kthyer kryeqytetin në tmerr për drejtuesit e makinave.
Në një njoftim për median, bashkia njofton se do të bllokojë një pjesë të Tiranës, duke treguar edhe nga do të lëvizin mjetet, por gjithçka është e paqartë.
“Qarkullimi i automjeteve dhe mjeteve të transportit urban në sheshin “Skënderbej” pjesa lindore në rrugën “e Dibrës”, drejtimi lëvizjes Lindje-Perëndim, do të devijohet vetëm djathtas në kryqëzimin me Bulevardin ‘Zogu I'”.
Paralelisht, Bashkia e Tiranës, në bashkëpunim me OSHEE-në, po punojnë për zhvendosjen e nënstacionit elektrik, i cili do t’i hapë rrugën ndërtimit të Unazës së Vogël, çka më pas do të sillte edhe një qarkullim më të lehtësuar të automjeteve në qendër të Tiranës.
