Mediat italiane kanë zbardhur skenën e arratisjes së tre shqiptarëve nga burgu Rebibbias në Romë. Mediat fqinje shkruajnë se dy nga shqiptarët e arratisur janë dënuar për vrasje, ndërsa i treti për shfrytëzim prostitucioni, ndërkohë që nuk janë zbardhur identitet e tyre.
Arratisja
Pasi kanë sharruar hekurat e qelisë 3 shqiptarët kanë përdorur copëzat çarçafëve me shkopinjtë për të zbritur në rrugë.
Në krevatet e tyre ata kanë vendosur kartonë të mbuluar me batanije si gjurmë të trupave të tyre të shtrira, në mënyrë që mos të shkaktohej menjëherë alarmi i mungesës së tyre. Ndërsa në hekurat e sharruar të qelisë kanë varur një bluzë për të fshehur të çarën.
Në ambientin e përdorur nga shqiptarët për tu arratisur në të kaluarën janë verifikuar arratisje të burgosurve të tjerë.
