Rreth 1 milionë lekë të reja është shuma e parave të vjedhura në një pikë karburanti në Fushë Krujë.
Ngjarja ka ndodhur mëngjesin e sotëm, ku rreth orës 07:15, në qendër të Fushë Krujës është konstatuar vjedhja e një pike këmbimi valutor në pronësi të shtetasit N.A.
Me të marrë njoftim menjëherë në vendngjarje kanë shkuar Efektivat e Policisë, të cilët kanë këqyrur vendin e ngjarjes, mbledhjen e provave materiale me qëllim identifikimin dhe kapjen e autorëve.
Nga këqyrja e vendit të ngjarjes është konstatuar se autorët kanë thyer zgarën e hekurit të dritares së një dyqani ngjitur me pikën e këmbimit valutor dhe më pas kanë hapur murin e kësaj të fundit. Autorët kanë marrë kasafortën e pikës së këmbimit valutor me rreth 1 milionë lekë. Vijojnë hetimet për zbulimin dhe dokumentimin e plotë të ngjarjes.
