Ende pa u mbyllur plagët e tërmetit që shkaktoi dhjetëra të plagosur e viktima, Italia është tronditur sërish nga një tërmet me magnitudë 5.4 ballë i shkallës Rihter.
Epiqendra e tërmetit ka qenë në zonën mes Perugias dhe Maceratas në pjesën veriore të Romës.
Qytetarët të kapur nga paniku kanë dalë në rrugë. Sipas dëshmive tronditjet kanë qenë të forta dhe madje disa nuk kanë arritur të dalin as nga shtëpia. Sipas sizmiologëve ky tërmet ka lidhje me atë të 24 gushtit në Amatrice.
Pas lëkundjes së fortë 5.4 ballë pati edhe 2 tërmete të tjera me intensitet më të vogël, prej 2.5 ballë dhe 2.6. Për momentin nuk raportohen persona të lënduar apo dëme në ndërtesa. Ndërkohë është ndërprerë energjia në disa zona të goditura nga tërmeti.
