Nga Artan Rama
Mund të thoja shumë fjalë për Alida Tota-n dhe për rastin e saj, por do të veçoja vetëm pak, të mjaftueshme që gjithsecili të reflektojë për pak!
Pak ditë më parë, kur në gojën e Matilda Makoçit, u vendosën fjalë të pathëna prej saj dhe kur deri tani askush s’po mban përgjegjësi për këtë manipulim të paskrupullt e mbi të gjitha të qëllimshëm, një numër raportuesish të rremë, autorë të kësaj shpifje e të kësaj të pavërtete, nga ata që financojnë media, pikërisht, për të mos e zbuluar të vërtetën, por dhe ata që paguhen prej saj, pikërisht për ta fshehur atë, tinëz pra, u bënë bashkë e u përpoqën ta tjetërsojnë situatën, duke e devijuar diskutimin mbi të vërtetën, si një çështje gjinore! Por raporti me të vërtetën nuk është një raport gjinor! Por nuk dua të ndalem këtu…
Por po u them këtyre manipulatorëve që kujtojnë se kanë në dorë monopolin e së vërtetës, këtyre “grave raportuese”, ja ku është sot një gazetare, një grua, një bashkëshorte e një nënë njëkohësisht! E çensuruar për së dyti, e ripushuar! Ju, përse nuk flisni atëherë. Ju sharlatane, ku jeni? Kush jua ka marrë zërin, udhëheqësi?!
Kjo hipokrizi, kjo sjellje e dyfishtë është vrasëse!
Është e njëjta hipokrizi që për 26 vjet me radhë, si një rrjet merimange, qysh pas rënies së regjimit diktatorial, ka mbështjellë këtë shoqëri të sëmurë! Turp!!!
