Kryetari i Bashkisë Erion Veliaj ka publikuar foto të punimeve të sheshit “Skënderbej”. Me anë të një statusi në Twitter Veliaj thotë se po ndërton një shesh unik.
“Shesh pa komb ka, po komb pa shesh qendror ku të mblidhet s’ka! Po nxitojmë 24/7 me sheshin “Skëndërbej”, shesh unik për gjithë shqiptarët”, – shkruan Veliaj në komentin e tij.
Veliaj ka publikuar për herë të parë edhe pamje nga punimet që po kryhen në zbatim të këtij projekti edhe në nëntokë.
Siç shihet edhe nga fotot përveç punimeve në sipërfaqe po punohet edhe pastrimin dhe rikonstruksionin depozitave të e ujit që do shërbejnë për grumbullimin e ujit të shiut që do të përdoret për shatërvanët dhe ujitjen e pemëve të sheshit.
