Deputeti Tom Doshi ka dëshmuar sot në gjyqin ndaj ish-kolegut të arrestuar, Mark Frroku.
Ky i fundit akuzohet për disa vepra penale, ndër to për “vrasje në Belgjikë”, “fshehje të të ardhurave”, “ndërtim të paligjshëm”.
Ne seancën e sotme, deputeti Tom Doshi i ka dalë në krah ish-deputetit Mark Frroku, mes të tjerash edhe në akuzë për “ndërtim pa leje”.
Doshi ka theksuar para trupit gjykues se kati i fundit i hotelit që është shitur prej tij Mark Frrokut, ka qenë i legalizuar. “Kam pasur kontratë shit-blerje me Mark Frrokun. I kam shitur një hotel në Rrugën e Durrësit, hoteli kati i fundit është i legalizuar. Në hotel nuk ka pasur asnjë shtesë”, ka thënë Doshi. Më tej, duke folur për akuzën, ai ka sqaruar:
“Aty nuk ka pasur ndërtim pa leje. Ka qenë vetëm një tendë. Nuk e di në ç’baza e ka ngritur Prokuroria akuzën. Po të ishte kështu, gjysma e Tiranës duhet të ishte në burg”.
