Një 53 vjeçar ka terrorizuar punonjësit e një banke të nivelit të dytë në Tiranë, duke i kërcënuar se do t’i hidhte në erë.
Ai ja hyrë në dy filiale të kësaj banke në rrugën “Bardhyl” dhe te “Komuna e Parisit” në Tiranë dhe pasi ka ngritur këmishën u ka treguar atyre një pako të mbështjellë në dukje si eksploziv. Shkak është bërë nervozizmi i tij për një transfertë të pakryer. E gjithë kjo ngjarje ka ndodhur në 22 korrik të vitit të kaluar.
Gazeta “Panorama” shkruan se pak ditë më parë Gjykata e Tiranës përfundoi gjykimin e “protagonistit” të saj, Qazim G. i cili u shpall fajtor kryerjen e dy veprave penale atë të “kanosjes për shkak të detyrës” dhe “prishjes së qetësisë publike. I pandehuri u dënua me 4 muaj burg, por nuk do të qëndrojë asnjë ditë në qeli, pasi përfundimisht gjykata e la atë në liri me kusht për një periudhë 18 mujore. Në vendimin e Gjykatës citohen punonjëset e bankës sipas të cilave në një moment i pandehuri nxori nga xhepi i pantallonave një send katror të ngjitur me ngjitës transparent dhe e mbante në dorë, duke u shprehur se “ishte dikushi dhe u hedh në erë”.
