Një aksident ka ndodhur mbrëmjen e sotme në Tiranë, ku është plagosur një person. Aksidenti ka ndodhur në Unazën e Re, pranë “Pallatit me shigjeta” rreth orës 22:00.
Nga informacionet paraprake mësohet se në aksident është përfshirë një “Benz E Class”, i cili ka dalë nga rruga dhe ka përfunduar në pjesën anësore të Lanës, ndërsa një person që ndodhej në mjet ka mbetur i plagosur.
Në vendin e ngjarjes kanë shkuar forcat e policis, të cilat po punojnë për zbardhjen e rrethanave. Ndërkohë aksidenti ka shkaktuar trafik në unazë.
