Policia ka zhvilluar tre operacione antidrogë ku ka sekuestruar 391 kg kanabis në Fier, Shkodër dhe Kurbin. Vetëm në rrethinat e Mallakstrës, janë kapur 343 kg kanabis nga policia e shtetit dhe krimeve të rënda, si dhe ka sekuestruar 425 farë të bimës narkotike, si edhe armë e fishekë.
Gjatë finalizimit të operacionit të koduar “Gryka” janë arrestuar 11 persona, nga të cilët 3 u proceduan penalisht dhe 2 të tjerë u shpallën në kërkim.
Policia deklaruan se është krehur e gjithë zona e e fshatit Ninësh në Mallkastër, dhe gjatë kontrolleve në banesat e disa banorëve, janë gjetur sasi të ndryshme të lëndës narkotike, që në total bëjnë 343 kg.
Operacionet e shtrira në të gjithë vendin, kanë zbuluar 37 kg kanabis në proces tharje në Shkodër, gjatë finalizimit të operacionit të koduar “DRYING”.
Lënda narkotike ndodhej në një banesë në lagjen “Skënderbeg” në shkodër, në pronësi të ciftit me iniciale M.K dhe F.Gj të cilët u shpallën në kërkim.
Ndërkohë policia e Kurbinit ka vënë në pranga dy persona, që dyshohet se janë autorë të thasëve më kanabis që u zbuluan një ditë më parë në hidrovorin e fshatit Adriatik në Lezhë.
Policia informon se u arrestuan Nikoll Koca, 25 vjeç, dhe Rajmond Prenga, 21 vjeç, banues në Kurbin.
Këta dy persona u arrestuan pasi gjatë patrullimit në vijën bregdetare iu sekuestruan 11 kg lëndë e dyshuar narkotike Cannabis Sattiva. Sakaq, të dielën janë gjetur 15 thasë të mbushur me mbetje të bimëve narkotike në Hidrovor-Adriatik dhe sipas policisë, dy të arrestuarit dyshohen si poseduesit.
