Aktori i njohur Laert Vasili është goditur mbrëmjen e kaluar nga një person në rrugën “Shyqri Ishmi”, në Tiranë.
Kjo ngjarje ka ndodhur mbrëmjen e djeshme, ku 42-vjeçari është qëlluar me grusht në kokë nga një grabitës i mundshëm.
“Më sulmuan dje mbrëmë kur po zbrisja nga makina. Unë mendoj se janë grabitës ordinerë. Me siguri kanë menduar se jam femër nga flokët e gjata. Por kur u ktheva e panë se jam mashkull dhe më goditën”, tha Vasili për mediat duke përdorur edhe batutat.
Vasili më tej i ka bërë apel policisë për zbardhjen e plotë të ngjarjes.
Sakaq policia ka identifikuar autorin i cili është shpallur në kërkim.
