Dy persona janë arrestuar nga policia e Vlorës pas një sherri për motive banale dhe të dy kanë përfunduar në spital.
Njazi Jonuzi, 48 vjeç dhe Emanuel Shametaj, 25 vjeç janë rrahur njëri me tjetrin dy ditë më parë në qytetin bregdetar.
Ngjarja ka ndodhur në lagjen “Hajro Çakërri”. Gjithçka nisi pas një konflikti për motive të dobëta, ndërsa të dy përfunduan në spital nga plagët e marra. Pas dy ditësh në spital, policia i arrestoi.
