Policia e Tiranës ka vënë në pranga një 35-vjeçar nga Fieri të shpallur në kërkim për trafik personash.
Specialistët e seksionit të Trafiqeve të Paligjshme pranë Drejtorisë Vendore të Policisë Tiranë, në rrugën “Sulejman Delvina”, në ambientet e një Bar kafeje, pas informacioneve te marra në rrugë operative kanë arrestuar shtetasin Rezart Merkaj, lindur dhe banues në Fier.
35-vjeçari Merkaj ishte shpallur në kërkim pasi Gjykata e Shkallës së Parë të Krimeve të Rëndë më 16 qershor të këtij viti kishte vendosur masën e sigurisë “Arrest me burg” për Veprën Penale të “Trafikim i personave te rritur”.
