Dy raste të prodhimit dhe shitjes së lëndëve narkotike dhe armëmbajtjes pa leje janë goditur nga policia e Fierit.
Në operacionin e koduar “Povelçë” janë sekuestruar 23.2 Kg lëndë narkotike Cannabis Sattiva, 50 fara kanabisi, gjithashtu në pranga janë vënë dhe 2 shtetas.
I arrestuar është Lavdimir Kapaj, 41 vjeç, banues në fshatin Povelçë, Fier
Policia informon: “Gjatë kontrollit të banesës së këtij shtetasi u gjetën dhe u sekuestruan në cilësinë e provës materiale dy armë zjarri automatik model 56 me 2 krehëra me nga 30 fishekë dhe 23.2 kg lëndë narkotike e dyshuar Cannabis Sattiva”.
I arrestuar është dhe Mikel Isaj, 21 vjeç, banues në fshatin Qafë Gjashtë, Sarandë si dhe u procedua penalisht shtetasi A.D, 27 vjeç, banues në lagjen “Kushtrimi” Vlorë.
Policia informon: Në vendin e quajtur “Kryqëzimi i rrepeve Fier”, duke udhëtuar me mjetin autoveturë tip “BENZ”, me targë VL3848B, që drejtohej nga shtetasi A.D, janë ndaluar nga shërbimet e policisë dhe nga kontrolli i ushtruar, shtetasit Mikel Isaj j’u gjetën në çantën e tij të brezit dhe j’u sekuestruan në cilësinë e provës materiale 8 fishekë dhe 1 copë letër alumini me 50 fara bime narkotike të dyshuara Cannabis Sattiva.
Nga verifikimet e kryera rezultoi se mjeti autoveturë tip “BENZ”, me targë VL 3848 B, dyshohet si automjet i vjedhur dhe i trafikuar në Shqipëri.
Sekuestrohen- – 23.2 Kg lënë narkotike Cannabis Sattiva.
– 50 fara bime narkotike Cannabis Sattiva.
– 2 armë zjarri automatik model 56.
– 2 krehëra dhe 68 fishekë.
– 1 makinë tip benz me targa VL 3848 B.
Dosja- Materialet i kaluan Prokurorisë pranë Gjykatës së Shkallës së Parë Fier për shtetasit Lavdimir Kapaj dhe Mikel Isaj për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve dhe municionit luftarak” parashikuar nga Nenet 283/a/1 e 278/2 të Kodit Penal, dhe në ngarkim të shtetasit A.D për veprën penale “Trafikimi i mjeteve motorike” parashikuar nga Neni 141/a i Kodit Penal.
