Takimet e kryeministrit Edi Rama me fermerët për të nxitur që të aplikojnë për fondin e garancisë është shfrytëzuar nga banorët për t’i ka kthyer Ramën në realitet duke i treguar vështirësitë me të cilën ata përballen në jetën e përditshme të tyre në fshat.
Një banor i fshatit Rodenjë në Këlcyrë ankohet se fshati nuk ka rrugë, rezervuar është, por për 2 km tub nuk mund të vadisin tokat, nuk ka ambulancë. Fshatari kërkoi nga kryeministri të merren masat pasi njerëzit po ikin nga fshati.
“Na ndihmoni se fshati i ka dhënë votën PS-së”, tha fermeri.
Kur Rama i tha “me radhë”, fshatari i tha: “Babai më iku, nëna më iku, gruaja më iku, po iki dhe unë. Po ç’të gëzojmë ne duam të gëzojmë”.
Ndërsa në fshatin Zhepovë përveç rrugës, një fshatar ankohet për shkollën “është katandisur në pikë të hallit. Rruga është problem emergjent. Çdo mëngjes jemi me zemër në dorë kur kalojnë fëmijët tanë. Kanë ardhur kryetarë partish e ish-presidentë dhe nuk e kanë bërë
Rama u justifikua duke thënë se nuk mund të bëhet ajo që nuk është bërë në 25 vjet dhe premtoi se vitin e ardhshëm në program janë rrugët rurale.
