Një operacion masiv antikanabis është ndërmarrë ditën e sotme në tre qarqe njëkohësisht- Vlorë, Shkodër dhe Gjirokastër. Policia e shtetit informon se janë angazhuar rreth 300 forca policie.
Rezultatet e para vijnë nga Vlora ku informohet për gjetjen e tre godinave që përdoreshin për tharjen e kanabisit. Operacioni është kryer në zonën e Ujit të Ftohtë në Vlorës, në Mesaplik dhe në Kallarat ku është arrestuar edhe një biznesmen ndërtimi.
Gjatë aksionit në Vlorë, janë sekuestruar një sasi prej 41 kg kanabis sativa, sasi e sekuestruar në objektin e shtetasit Ferdinand Mile. Në zonën e Ujit të Ftohtë kanabisi fshihej në një garazh, ndërsa në Mesaplik në një stan.
Sasia e konsiderueshme kanabisi u zbulua dhe në një punishte në fshatin Kallarat ku bëhej tharja e lëndës narkotike.
Policia e shtetit informon se janë arrestuar në flagrancë 3 persona, ndërsa një u shpall në kërkim
Në Shkodër operacioni është shtrirë në zonat e Zonat e Dukagjinit. Ndërsa në Gjirokastër operacioni është fokusuar në Kurvelesh e Memaliaj.
