Një prej temave që u diskutua në Samitin e PPE-së i cili u mbajt në Maastricht, Holandë ishte gjendja e jashtëzakonshme e kultivimit dhe trafikut të drogës në Shqipëri.
Kryetari i Partisë Demokratike Lulzim Basha i cili mori pjesë në këtë samit shprehu shqetësimin e tij për sa i përket të ardhurave të drogës të cilat mund të përdoren për blerjen e votave në zgjedhjet e ardhme parlamentare. .
“Ky zhvillim dramatik është kthyer në një shqetësim për vendet anëtare të Bashkimit Europian, siç u evidentua edhe në diskutimet e mbajtura në Samitin e PPE-së nga përfaqësues dhe drejtues të institucioneve evropiane.
Është e qartë se ajo që Qeveria Rama përpiqet ta mbajë të fshehur, ta mohojë brenda Shqipërisë, tashmë ka kapërcyer kufijtë e Shqipërisë është kthyer në një problem të jashtëzakonshëm ndërkombëtar”, tha Basha.
