Barcelona e Luis Enrique ka fituar me “poker” ndaj Manchester City të Guardiolës, një rezultat që nuk regjistrohej prej kohësh në Champions, për skuadrat angleze. “Hat-trick” i Messi, asistet e Neymarit, zëvendësimi i Kun Aguero, apo gabimi i madh i Claudio Bravo, janë në qendër të analizave të mediave britanike.
“The Sun” fokuson në foto portierin Bravo dhe e titullon shkrimin e vet: Jeni kllounë! Pra, Guardiolën dhe të tijtë i konsideron si gaztorë, për të trembur njerëzit.
“The Sun” ka kritikuar hapur qasjen e Guardiolës: “Një “hat trick” nga Messi bëri që kthimi i Pep në “Camp Nou” të ishte i trishtueshëm. Manchester City mbeti me dhjetë lojtarë, pas gabimit të portierit Bravo, ndërkohë që yllin e skuadrës, Aguero, e pamë ta nisë ndeshjen nga stoli. Guardiola duhet të ketë krijuar tashmë tjetër mendim për vlerat e Joe Hart, që në të tilla ndeshje të mëdha bënte performanca të shquara.”
