Në një rrëfim për prestigjozen Daily Mail, ish-dadoja e Angelina Jolie ka thënë se aktorja po përdor fëmijët e saj si një armë kundër Brad Pitt.
Krisan Morel, e cila ka qenë kujdestarja e aktores kur ka qenë e vogël, i ka kërkuar asaj të mos kërcënojë babain e fëmijëve të saj.
“Kam vendosur të flas pasi dua t’i jap një mesazh Angelina-s, të cilën e dua shumë. Dua t’i them që të mos e largojë Brad nga jeta e fëmijëve. Mos përdor fëmijët si një armë në divorcin tënd dhe mos e kërcëno bashkëshortin tënd”, ka thënë ajo.
Në mesazhin e saj, 63-vjeçarja i ka kërkuar aktores të mos bëjë të njëjtën gjë si nëna e saj.
“Jolie ka vuajtur shumë nga divorci i prindërve të saj dhe për pasojë ka pasur një fëmijëri të vetmuar dhe tramautike, ka deklaruar ish- dadoja.
Prindërit e Jolie, Marcheline Bertrand dhe Jon Voight u ndanë në 1976 dhe u divorcuan në 1980.
