Ministrja e Mbrojtjes, Mimi Kodheli i ka kthyer përgjigje ministrit të Drejtësisë Ylli Manjani, i cili propozoi daljen e ushtrisë për të luftuar kanabisin.
“Siguria është serioze dhe FA-të janë serioze. Kur flasim për gjëra serioze, duhet të jemi të tillë. Punët në demokraci janë të ndara, secili bën atë që i takon”, tha Kodheli gjatë një aktiviteti në Krujë.
Ndërkohë një ditë më parë Ylli Manjani deklaroi:
“Nuk e di të them nëse është emergjencë apo jo, por nëse është e nevojshme për të dhënë një efekt reagues proporcional edhe ushtria mund të dalë. Ne duhet të japim këtë mesazh dhe jam i bindur për këtë. Nga ky fenomen ose ndahemi tani që sa ka filluar ose nuk ndahemi më. Ose ndahemi tani, ose kur të ndahemi do të jetë shumë e vonë dhe e dhimbshme. Kjo është një përgjigje që duhet ta japim dhe të jeni të bindur që do ta japim”
Kultivimi i kanabisit në masë është kthyer në një problem të madh në vend, por edhe për partnerët tanë ndërkombëtarë. Qeveria pretendon se po e lufton këtë fenomen dhe sa ka shkatërruar gati 100% të parcelave me drogë. Raportimet për këtë çështje janë të shpeshta edhe në mediat botërore kohët e fundit.
