Dy shqiptarë janë vënë në pranga nga policia italiane pasi akuzohen se për 3 javë rresht kanë mbajtur peng në një shtëpi një 18-vjeçare nga Rumania. Ngjarja ka ndodhur në Mugello, në provincën e Firences, ku vajza ishte mbyllur në shtëpi ku mbahej me forcë.
Ka qenë karabinierët që kanë ndërhyrë me një operacion blic pasi kishin marrë informacione në lidhje me mbajtjen peng të vajzës, ndërsa brenda banesës është kapur njëri nga shqiptarët.
Ky i fundit akuzohet edhe për tentativë vrasje pasi në 23 shtator kishte qëlluar me thikë një të ri shqiptar po në Firence.
Ndërsa shqiptari tjetër është kapur jashtë banesës, ku akuzohet edhe për tentativë vrasje, pasi kishte marrë pjesë në plagosjen me thikë.
