Një person ka humbur jetën dhe 4 të tjerë kanë mbetur të plagosur si pasojë e një aksidenti që ndodhi sot në aksin rrugor Korçë- Kapshticë, ku një furgon ka dalë nga rruga pranë fshatit Plasë dhe është përplasur me një automjet.
Mësohet se ka humbur jetën një punonjës i burgut të Drenovës. Kurse një nga të plagosurit është në gjendje të rëndë për jetën.
Të aksidentuarit po ktheheshin nga një ceremoni mortore të shokut të tyre.
Nga të dhënat paraprake mësohet se furgoni ka dalë nga rruga pas përplasjes me automjetin ku ndodheshin punonjësit e burgut.
Ndërkohë policia po punon për zbardhjen e plotë të aksidentit të rëndë.
