Me nismë të Ministrisë së Brendshme, Kodi Rrugor do të ashpërsohet për përdoruesit e telefonit gjatë drejtimit të mjetit.
Policia Rrugore propozon që shoferët që kapen duke përdorur telefonin në timon të gjobiten nga 5 mijë deri në 15 mijë lekë dhe si masë ekstreme deri në pezullim të lejes së drejtimit.
“Masa administrative do të jetë disa herë më e lartë dhe do shoqërohet me masë plotësuese për lejen e drejtimit për drejtuesin që konstatohet duke përdorur telefonin. Aktualisht shumica e drejtuesve përdorin telefon tip android, që kërkon përdorimin e të dyja duarve dhe për pasojë shpërqendrohen, shkaktojnë pasoja në qarkullim dhe bëhen burim aksidentesh”, shprehet Ardi Veliu, drejtor i Policisë Rrugore.
Por “Top Channel” ka mësuar se mund të komunikosh me kufje gjatë përdorimit të automjetit, mund të ndalosh ose të përdorësh altoparlantin.
