Kjo nuk është hera e parë që Edi Rama flet për sëmundjen e të birit. Mos vallë kryeministri është në vështirësi?
Kryeministri Edi Rama ka marrë pjesë në Kongresin e Onkologjisë të organizuar sot Tiranë, ku merrte pjesë edhe ish-kryeministri i Italisë Massimo D’Alema. Duke folur për një sëmundje shumë të rëndë, Rama ka bërë edhe një rrëfim për eksperiencën e tij personale me kancerin. Ai tha se ka kaluar një situatë të rëndë 11 vite më parë me djalin e tij, Greg Rama.
“Unë kam pasur një përvojë personale me kancerin dhe saktësisht, 11 vite më parë, më duhej të luftoja me një realitet tej mase të keq që u krijua për mua dhe familjen time, pasi mu desh të dija që djali im ishte i sëmurë me kancer. Dhe, mësimet që nxora nga kjo përvojë transformuese ishte e madhe në shumë aspekte”, tha Rama.
Por edhe para zgjedhjeve të vitit 2013, Rama foli për sëmundjen e të birit, ndoshta për të treguar një anë tjetër të tij, atë familjare dhe të përvuajtur. Por këtë herë pse sërish kryeministri shqiptar që njihet për indiferencën, moskokëçarjen dhe shpesh harbutërinë e tij, zgjodhi të flasë për sëmundjen e djalit?
Mos vallë të gjitha ato çfarë po ndodhin: vrasje, kanabis, censura, mashtrime, vjedhje pafund e sërish kanabis e kanë vënë në pozitë të vështirë kryeministrin dhe kërkon që të fitojë pikë duke sjell anën e butë të karakterit të tij?
Nëse është kështu, nuk do jetë rasti i parë që politikanët përdorin familjarë dhe të afërm për kredo politike por nga të paktët në Shqipëri që përdor një fatkeqësi të të birit.
