Bllokohen salçiçe me salmonelë në një restorant të Tiranës

Autoriteti Kombëtar i Ushqimit ka bllokuar një sasi me salsiçe, të cilat kishin prezencë salmonele.

Sipas njoftimit të AKU salsiçet janë bllokuar në një restorant në Tiranë, i cili i prodhonte vetë ato.

Informacioni është marrë nga sistemi i kontrollit që përcaktohet në ligjin për sigurinë ushqimore, se kishte prezencë Salmonele. Menjëherë inspektorët e AKU-ës kanë shkuar pranë restorantit dhe kanë marrë mostrat përkatëse. Nga analizat e kryera në laboratorët e ISUV, është konfirmuar se salsiçet që subjekti i prodhonte vet dhe i tregtonte në restorantin e tij, kishin prezencë Salomenele.

LEXO EDHE  Zgjedhjet me 30 qershor, Ademi: Fatkeqësi, po përballemi me grusht shteti

Inspektorët e Autoritetit Kombëtar të Ushqimit kanë bërë menjëherë bllokimin e repartit të përpunimit të mishin për këtë subjekt.

Është asgjësuar produkti që rezultoi me prezencë të Salmonelës SPP

Gjithashtu për shkak të nxjerrjes në treg të ushqimit të pasigurt, u mor masa gjobë 300.000 lekë ndaj këtij subjekti.