Nga Boldnews.al
Për të kuptuar se në çfarë niveli i censurës qeveritare në Shqipëri mjafton të shikoje sot edicionet e lajmeve të mediave kryesore, por edhe lajmet e të të ashtuquajturve gazeta të mëdha në uebet tyre.
Asnjë kronikë dhe asnjë rresht për protestën e zhvilluar nga kolegët e tyre para Bashkisë së Tiranës kundër censurës.
Protesta erdhi pas mbylljes së emisionit investigativ “Publicus” në Vizion Plus që po hetonte për vdekjen e 17-vjeçarit Ardit Gjoklajt në Sharrë.
Emisioni u mbyll me anë të “ndërhyrjes” së kryebashkiakut Veliaj.
Po ky i fundit ishte shkaktar edhe për shkarkimin e gazetares Alida Tota si drejtoreshë e A1News, që po hetonte pikërisht vdekjen e Arditit.
Por këto media arritën deri aty sa të mos jepnin as deklaratën e Bashkimit Europian për këtë çështje.
Maja Kocijancic, zëdhënësja e përfaqësueses së Lartë të Bashkimit Europian duke komentuar ndalimin e emisionit investigativ “Publicus”, tha se censura e medias ndalon integrimin e Shqipërisë në Bashkimin Europian.
“Liria e shprehjes dhe e medias janë themelore për Bashkimit Evropian. Liria e medias, kyçe për procesin e zgjerimit. Po ndjekim zhvillimet në rajon dhe në Shqipëri. Censura do analizohet në raportin e përvitshëm”, theksoi Kocijancic.
Por as deklarata e BE-së nuk zuri vend në mediat shqiptare.
Kjo tregon edhe njëherë më së miri se si Erion Veliaj ka kapur mediat duke u bërë presion me leje ndërtimi ose edhe me gjoba.
Ndërkohë që po vetë Veliaj me portalet e sponsorizuara nga ai vetë, por që kanë me punonjës që punojnë si në Kryeministri dhe në Bashkinë e Tiranës ka nisur një sulm përbaltës ndaj gazetarëve kritikë të tij.
Nga ana tjetër, kryeministri Edi Rama nuk ka thënë asnjë fjalë për censurimin që i është bërë emisionit investigativ “Publicus” nga i preferuari i tij, Erion Veliaj. Nuk ka si të komentojë, kur është vetë shefi i qeverisë “arkitekti” i kapjes së mediave, ndërkohë që para një viti shkonte në Francë në mbështetje të revistës “Charli Hebdo”, duke dalë kundër censurës së medias. Hipokrizia e kryeministrit nuk ka fund…
