Nga Boldnews.al
Ministrja e Inovacionit Milena Harito edhe pse tentoi të mbronte kryebashkiakun Erion Veliaj, në fjalimin që mbajti në parlament dështoi me sukses. Mungesa e artikulimit dhe e shprehisë nxorrën në pah një tjetër anë të ministres Harito, atë të analfabetizmit funksional.
E nisi fjalimin me akuzat ndaj PD, por që ishin përsëritje të deklaratave e kolegëve të saj. Kur vijoi të lexonte në letër atë çfarë kishte shkruar për vdekjen e 17-vjeçarit, Ardit Gjoklaj, ministrja shfaqi shenjat e para të bllokimit dhe marrjes së gojës. Sapo përmendi ngjarjen e Sharrës, Harrito ngatërron fjalën tragjedi me strategji. (Min 3:09)
Më tej, Harito papritur fundos me pavetëdije kryebashkiakun Veliaj duke thënë se në Landfillin e Sharrës ka patur të tjera vdekje aksidentale por pa speficikuar kohën. “Për fat të keq kjo nuk është vdekja e parë në Sharrë. Dhe ju po e përdorni këtë si të ishit agjenci funerali”– i drejtohej PD, ministrja Harito duke përdorur ironi “të hollë”. (Min 3:39)
Në fakt, emisioni “Públicus” raportoi se një grua kishte humbur jetën në landfillin e Sharës në nëntor të 2015, kohë kjo kur në krye të Bashkisë së Tiranës ishte Erion Veliaj.
Ministrja e Inovacionit vijoi të shfaqte mungesë të theksuar artikulimi. “Kjo çështje, çështja në thelb, në themel, çështja është në prokurori” – ishte një nga fjalitë e saj që tregon deformim të madh gjuhësor. (Min 3:50)
“Ne nuk jemi nga ata që i vendosim epitete kryeprokurorit, siç kanë bërë në të kaluarën”- thotë Harito e cila tenton të lidhë disa ngjarje me njëra-tjetrën. (Min 4:04)
Nga kryeprokurori, Harito kapërcen tek Gërdeci dhe tragjedinë e ndodhur në 2008. Por me të nisur fjalinë, ajo përmend deputetin e PBDNJ-së Vangjel Dule, pastaj kalon tek përkufizimi gjuhësor dhe në fund e mbyll me 21 janarin. (Min. 4:27)
E rënduar nga ky fjalim me plot gafa, Ministrja Harito vijon me disa pretendime mbi gazetaren Alida Tota duke hamendësuar se ajo nuk është shkarkuar me ndërhyrjen e Veliajt. Në fakt, gazetarja në emisionin “Públicus” ka shfaqur të gjitha komunikimet me sms që ka patur me Drejtorin e TV ku ajo punonte dhe me kryebashkiakun Erion Veliaj.
Harito përmend edhe emisionin “Públicus” që sipas saj është mbyllur për të bërë publicitet. Por kjo llogjikë prej Don Kishoti tregon nivelin e ulët të arsyetimit të një funksionare të lartë publike. (7:12) Madje, ajo përdor edhe disa fjalë që nuk gjenden në fjalorin e gjuhës shqipe si “qënkesh”. (7:37)
Ministrja provoi të analizonte përmbajtjen e emisionit, por përveçse disa fjalëve bosh ajo nuk tha asnjë argument kundër. Harito tha se nuk kishte parë asnjë fakt të ri, asnjë investigim dhe asgjë për tu habitur. Por natyrisht, kontratën e shumëkërkuar me kompaninë “3R” ministrja Harito mund të mos ta ketë parë, shkeljet në kodin e punës Harito mund të mos t’i ketë parë, mungesa e transparencës së Bashkisë së Tiranës, Harito mund të mos ta ketë parë, braktisja e familjes Gjoklaj nga shteti, Ministrja mund të mos ta ketë parë…dhe me siguri as emisionin nuk e ka parë.
Në fund Harito fton deputetët të shohin emisionin në youtube, sepse sipas saj është i pacensuruar nga interneti. Mos vallë Ministrja e Inovacionit nuk e di as kuptimin e fjalës censurë?
