Policia e Tiranës ka vënë në pranga dy grabitës ditën e djeshme pasi vidhnin bizneset në zonën e Unazës se Re dhe Kasharit. Sipas policisë dy shtetasit 46-vjeçari Ilir Ceka dhe bashkëpunëtori i tij Toni Kreca, 43 vjeç, prej një periudhe disamujore, ishin kthyer në tmerrin e bizneseve në zonën e Komisariatit nr.6.
Skema që ndiqnin për vjedhjen:
Pasi në vëzhgim bizneset, shkatërronin kamerat e sigurisë gjatë natës, e me pas vidhnin bizneset e bojërave, marketet dhe parukeritë në zonë.
Njoftimi i policisë:
“Rreth orës 03.00 gjatë patrullimit nga shërbimet e policisë së Komisariatit të Policisë Nr 6 Tirane, në afërsi të “Unazës së Re” Kashar Tiranë, Toni Kreca në bashkëpunim me shtetasin Ilir Ceka, kanë tentuar të dëmtojnë kamerat e të supermarketi që ndodhet në katin e parë të ndërtesës dhe sigurimin e kushteve për vjedhje dhe nga ndjekja e punonjësve të policisë janë larguar me shpejtësi dhe janë kapur më pas në largim e sipër. Nga pamjet filmike të administruara këta shtetas kanë dëmtuar kamerat e bizneseve përreth.
Gjithashtu u arrit te dokumentohet dhe ngjarja e datës 27.05.2016 ku ne rrugën “Konferenca e Pezes” Misto Mame, Kombinat, është vjedhur dyqani i bojërave profesionale ku janë vjedhur një sasi bojërash me vlerë 200.000 lekë të reja ku autor i kësaj vjedhje është shtetasi Toni Kreci”, thuhet në njoftimin e Policisë.
Në një video të siguruar nga “BalkanËeb” njëri nga dy të ndaluarit shfaqet duke tentuar të shkulë një nga pemët e sapombjella në rrugën afër supermarketit, për të dëmtuar me të kamerën e sigurisë.
