Deputeti i PD-sëemokrat Asllan Dogjani ka njoftuar në seancën plenare se një tjetër avion me drogë është ulur në periferi të Durrësit.
“Një tjetër avion në Lalëz sapo u informuam me foto në rrjetet sociale. Avioni tjetër para ca ditësh, pista në Durrës. Në njërën anë procedohen fëmijë me pak gram hashash dhe në anën tjetër qeveria krenohet me statistika dhe droga derdhet lumë”, deklaroi Dogjani.
Pas deklaratave të tij ka reaguar Policia e Durrësit, e cila pohon se avioni ka qenë me turistë, duke dhënë edhe itinerarin. Sipas policisë, avioni ka fluturuar nga ora 16:00 deri në 17:00 mbi Gjirin e Lalzit por nuk është ulur.
Po kushti policia deklaron se avioni kishte plan fluturimi të miratuar nga Aviacioni Civil.
“Një avion sportiv turistik ka fluturuar nga ora 16:00 deri në 17:00 mbi Gjirin e Lalzit
Shërbimet e policisë kufitare kanë ndjekur avionin nëse do ulej në Gjirin e Lalzit, por nuk është ulur. Avioni sportiv i përket “Viva Air” dhe kishte plan fluturimi të miratuar nga Aviacioni Civil. Avioni kishte itinerar Rinas-Gjiri i Lalzit- Rinas, por pa ndalesë në Gjirin e Lalzit. Gjithë autoritete policore kanë qenë në gatishmëri nëse avioni do ulej por avioni nuk është ulur në asnjë vend”, deklaron Policia e Durrësit.
