Policia italiane ka arrestuar 2 shqiptarë të cilët janë kapur me 3 kg kokainë të pastër në Venezia të Italisë.
Dy shqiptarëve të arrestuar, 48 dhe 27-vjeç, të cilët udhëtonin me një taksi, iu sekuestruan edhe rreth 100 mijë euro.
Pasi u ndaluan nga policia rrugore, dy shqiptarët kanë shfaqur nervozizëm dhe kanë dhenë përgjigje të paqarta në lidhje me qëllimin e udhëtimit të tyre.
Efektivët kanë vendosur të kontrollojnë makinën, përfshirë bagazhet e dy të dyshuarve dhe brenda një çante të verdhë në sedijen e pasme, ku gjendeshin disa veshje, ishin fshehur edhe tre copa kokainë në gjendje të ngurtë, me peshë 1 kg secila.
Shqiptari më i ri rezulton me banim në Mestre prej vitesh, ndërsa tjetri rezulton se ka shkuar në Itali prej pak javësh.
Pranë çantës së verdhë, është gjetur edhe një tjetër çantë shpine u gjetën 104.000 euro. Droga, e ndarë në doza do të shitej për më shumë se 900 mijë euro, raportojnë mediat lokale.
Ndërsa shoferi i taksisë, një italian, u lirua pasi rezultoi se nuk ishte në dijeni se çfarë përmbanin bagazhet e klientëve.
