Megjithëse policia trumbeton rastet e mitmarrjes duke nxjerrë me emër e mbiemër cdo shofer që i jep lekë policëve ka plot policë të tjerë që i kërkojnë vetë këto para, pavarësisht se mund të mos kesh bërë shkelje të kodit rrugor.
I tillë është rasti që vjen nga Lezha, ku një i ri është ndaluar nga policët rrugorë, pasi udhëtonte me automjetin e tij me xhama të zinj.
Shoferi bën me dije se e ka lejen për të qarkulluar me xhama të zinj, por policët sërish i kanë kërkuar 20 mijë lekë dhe në fund i riu i ka dhënë 15 mijë lekë.
E gjithë kjo skenë është filmuar, në fillim të videos dëgjohet polici që i thotë t’ia fikë dritën telefonit, por djemtë e gjejnë mënyrën dhe e kapin në video momentin kur ai merr lekën dhe nga frika se e shikojnë të tjerët i thotë shoferit: “Ule mor dorën or ti”.
Në videon e mëposhtme duket qartë polici, i cili duke pirë cigare u merr djemve lekët dhe më pas i lë të lirë.\
