Pas pak ditësh pritet të inaugurohen punimet e rikonstruksionit të godinnës së Liceut Artistik të Tiranës. Kjo ceremoni duhet të ishte mbajtur më herët, por ka ndodhur diçka që ka shtyrë inaugurimin.
Boja ngjyrë pana me të cilën ishte lyer fasada nuk i ka pëlqyer dikujt “atje lart” dhe Liceu është lyer për herë të dytë me një ngjyrë të kuqe të fortë. Sipas Respublica që ka ka publikuar edhe fotot, të parat janë të 27 shtatorit dhe liceu është me ngjyrë pane. Sipas saj Erion Veliaj pëlqen ngjyrat pa jetë, por vetëm një javë e më pak më pas, shohim një Lice me ngjyrë tjetër: një përzierje vishnjeje me okër, a të kuqe. Sipas të njëjtave burime ishte një kapriço e kryeministrit Rama që bëri të shtyhej inagurimi, pasi ngjyra nuk i pëlqeu dhe kërkoi ndryshimin e ngjyrës së fasadës. Tani na mbetet të dëgjojmë edhe fjalimin e rastit që fillon me fjalët: “Liceu rilindi pas doli nga harresa 25-vjeçare…”
