Një incident i pakëndshëm i ka ndohur kreut të qeverisë Edi Rama gjatë një takimi me banorët e Manzës në zonën e Durrësit.
Pak para se të përfundonte fjalën e tij një banor i ka kërkuar të drejtën e fjalës por kjo i është mohuar nga kryeministri duke i thënë se kishte pirë raki.
Kjo situatë duket se e ka tensionuar Ramën pasi ka bërë një replikë me qytetarin. Duke justifikuar nervozismin e tij, Rama iu drejtua të pranishmëve në sallë në lidhje me personin që donte të fliste: “Nuk ka ardhur në takim nga puna, por nga rakia”.
Kjo situatë ka vijuar edhe më tej pasi kryeministri nuk ja jepte të drejtën e fjalës duke shtuar se ndryshe nga të tjerët ai kishte pirë e lëshonte “avull”.
Socialisti pavarësisht se nuk e mori fjalën, ishte gjatë mbledhjes një shqetësim për Ramën pasi vazhdimisht ndërhynte.
