Një adoleshent është vënë në prangat e Policisë, pasi u kap duke drejtuar një makinë “Land Rover” pa leje drejtimi si dhe mbante me vete një kallashnikov.
I arrestuari, A.L., 17 vjeç banues në Roskovec u kap në vendin e quajtur “Sektori i 3”, segment rrugor pranë fshatit Luftinjë.
Policia ishte njoftuar se një i ri nga Fieri po qarkullonte me armë zjarri në makinë.
Nga kontrolli i ushtruar në automjetin me targa AA 396 IG, që drejtohej nga i riu nga Fieri u gjet dhe u sekuestrua në cilësinë e provës materiale një armë zjarri automatik, model 56 me një krehër, në të cilin ndodheshin 29 fishek.
