Policia e Gjirokastrës ka sekuestruar 10 kg lëndë narkotike si dhe ka vënë në pranga një 34-vjeçar.
Sipas të dhënave zyrtare, është arrestuar shtetasi Gëzim Rrapa, 34 vjeç, banues në Gjirokastër, (i dënuar më parë për “Prodhim dhe shitje narkotikësh”).
Në vendin e quajtur “Kthesa e Luftinjës”, në Memaliaj policia ka konstatuar një automjet tip “Renault”, me targa AA 309 ET, me drejtues 34-vjeçarin Rrapa.
Pas kontrollit të ushtruar nga punonjësit e policisë, në automjet, në pjesën e bagazhit u gjetën 3 thasë me lëndë narkotike të dyshuar Cannabis Sattiva. Pesha totale e lëndës narkotike ishte 10 kg.
Lënda narkotike u sekuestrua në cilesinë e provës materiale. Materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprën penale “Prodhim dhe shitje narkotikësh”.
