Donald Trump kërcënoi me burg Hillary Clinton, pranoi se nuk kishte paguar asnjë taksë federale mbi të ardhurat personale dhe ia la të gjithë fajin mbi politikat e jashtme kandidatit republikan për postin e zëvendës presidentit.
Për sa i përket Trumpit, kishte një përmirësim të dukshëm.
Ky debat i dytë presidencial nuk do ta nxjerrë Donald Trump mbi Hillary Clinton, por të paktën shpëtoi kandidaturën e Trumpit, e cila kishte filluar të zbehej në 48 orët e fundit.
Deklaratat që ndezën debatin
Gjuha e kandidatit republikan ishte e fortë, duke e quajtur kundërshtaren një ”djall” që nëse do të zgjidhej president do të caktonte një prokuror special për ta futur në burg, si dhe deklaroi se Clinton ka shumë urrejtje në zemrën e saj.
E megjithatë këto nuk ishin momentet më tronditëse të debatit.
90 minuta para debatit, Trump mbajti një konferencë surprizë, së bashku me tri gra të cilat akuzonin Bill Clintonin për sjellje të pahijshme seksuale. Ai gjithashtu i kishte ftuar gratë që të ishin të pranishme gjatë debatit dhe vazhdimisht e sulmonte kundërshtaren politike në lidhje me sjelljet e bashkëshortit.
Hillary iu përgjigj se nuk kishte asnjë provë të besueshme për të mbështetur akuzat e tij.
E gjithë kjo shfaqje ishte shumë për Kryetarin e Komitetit Republikan, i cili pas debatit deklaroi se nuk ishte i përfshirë në marrjen e katër grave në debate dhe se gjitha kjo kishte qenë një vendim i personave përgjegjës të cilët merren me fushatën, ka deklaruar Reince Priebus për CNN.
Arratisja e Clinton
Ajo çka rezultoi për shumë politikanë republikanë është se Hillary është e prekshme në shumë çështje, si dhe një kandidat tjetër i partisë, përveç Trumpit, do t’i kishte shfrytëzuar më mirë dobësitë e saj.
Në vend të tij ishte moderator i debatit i cili citoi komentin e Bill Clinton se Obamacare (Ligj federal i ndërmarr nga Presidenti Obama për shëndetësinë dhe sigurimet) ishte një çmenduri.
Kush e fitoi debatin?
Clinton u mbështet mbi Presidentin Abraham Lincoln për t’ju përgjigjur akuzave të Trumpit për dy-fytyrësi, duke thënë se nuk ka asgjë të keqe, pasi dhe vetë Presidenti Lincoln përdori argumente të ndryshme me ligjvënës të ndryshëm për t’i dhënë fund skllavërisë.
Gënjeu, dhe tani po e mbështet gënjeshtrën tek Presidenti Lincoln,- e sulmoi Trump. Abrahami i ndershëm kurrë nuk gënjeu, ky është një ndryshim i madh midis ju të dyve.
Megjithatë Clinton ishte në gjendje t’ia dilte pa u lagur mbi polemika që mund t’i kishin shkaktuar dëm akoma më të madh.
Arriti të fitojë terrenin që donte, duke bërë që performanca e Trump të ishte historia e mbrëmjes. Qëndroi e vendosur dhe nuk u emocionua ndaj sulmeve të ashpra të Trumpit ndaj saj dhe tradhtive të bashkëshortit.
Në fund të debatit, Hillary tha se çdo gjë kishte shkuar brenda parashikimeve të saj, prandaj gjëja e parë që thash është ajo që kam përsëritur deri në qershor, ai nuk është i prerë për t’u bërë President dhe Gjeneral i Përgjithshëm i Ushtrisë.
Problemi më i madh për Trumpin është se, as këtë herë, nuk arriti të zgjerojë mbështetjen tek votuesit e pavendosur.
Burimi:CNN