Sipërmarrësja amerikane Julia Pimsleur ka shkruar librin “Million Dollar Women”, udhëzuesin për femrat sipërmarrëse që duan të rriten në karrierë.
Pimsleur gjithashtu me kurse online mëson gratë për të mbledhur fonde për të financuar idetë dhe biznesin e tyre.
Julia shpjegoi për revistën “Elle” rregullat bazë për të ndjekur në mënyrë që të bindë ata që kanë kapital për të investuar.
Kërkoni kompaninë e duhur. Këshilla themelore? Rrethojeni veten me imazhet e njerëzve që kanë qëllime të ngjashme dhe potencialisht më shumë përvojë.
Mësoni gjuhën financiare dhe jini të përgatitura për cilësinë e pyetjeve. Një investitor do të dojë të flasë për rreth pesë minuta mbi produktin tuaj dhe pesëdhjetë të mbeturat se si keni ndërmend për të arritur objektivat e synuara. Për shembull, ai pyet: “Cili është parashikimi për rritjen nga tani e deri e për pesë vitet në vazhdim?”.
Kërkoni ndihmë nga ekspertët. Julia rrëfen se meritë në suksesin e saj ka punësimi i një eksperti që e mësoi atë për të folur në publik. “Njerëzit mbajnë mend vetëm 10 për qind të asaj që thuhet në një prezantim. Pjesa tjetër është gjuha e trupit, ritmi, toni “.
Kur, kush, si. Janë tri pyetjet kryesore kur vjen puna tek investimet. Mos e humb shpirtin e investimit edhe nëse merr refuzime për idetë e tua, nëse këmbëngul dhe vepron si një profesioniste patjetër që dikush do të dojë të vërë në jetë idetë e tua.
Bëni praktikë para se “të dilni në fushën e lojës”. Shumë faqe në internet që ndihmojnë në mbledhje fondesh mund të të vijnë në ndihmë, pa rrezikuar shumë. Si indiegogo.com, kickstarter.com ose specifike për projektet e grave, circleup.com.
Burimi: Elle
