Një i ri është arrestuar nga policia pasi ka tentuar të vrasë ish-të fejuarën e tij. Policia e Tiranës ka deklaruar se ka mundur të parandalojë vrasjen, por i riu i ndaluar nga forcat e Komisariatit nr. 4 ka plagosur me thikë shtetasen me iniciale A.N., me të cilën kishte qenë i fejuar.
Ngjarja ka ndodhur në afërsi të Shkollës “Bajram Curri” dhe policia e njoftuar nga qytetarëtka shkuar menjëherë duke arrestuar autorin Altin M.
Vajza është qëlluar me thikë në këmbë dhe u dërgua në SQU ku ndodhet jashtë rrezikut për jetën. Grupi hetimor po punon për sqarimin e plotë të rrethanave të ngjarjes.
