A e dini sa kushton një gabim i vogël sidomos kur rrisim fëmijë? Një rast mjaft i qartë që të bën të reflektosh është rrëfimi i një nëne të re nga Australia.
Ajo tregon momentet e tmerrshme të një nate kur një gabim i vogël i saj i disa sekondave mund të kishte rezultuar fatal për fëmijën.
Nëna 36-vjeçare Siobhan Rennie, tregon se vetëm pasi u largua për 30 sekonda nga banjo ku kishte lënë fëmijë për t’u larë ka parë diçka që është tronditur, fëmijën që thuajse po mbytej.
“Lashë për 30 sekonda djalin tim të vogël Harryn vetëm 2 vjeç në vaskë me vajzën Aoife, sepse jashtë duhet të pastroja këmishën e tim shoqi, por kur u ktheva pas vetëm 10-15 sekondave mbeta e tronditur dhe e shtangur nga ajo që pashë”, tregon ajo.
Nëna ilustron momentin kur u rikthye aty ku kishte lënë fëmijët dhe gjeti vajzën më të madhe teksa po luante me djalin, transmeton noa.
“Aoife i kishte vendosur këmbët dh e kishte zhytur nën ujë djalin dhe qeshte mbi të. Ishte aq e shpejtë situata tregon ajo saqë nuk kishte menduar se diçka e tillë mund të kishte rezultuar fatale për të gjithë familjen”, rrëfen gruaja.
