Këshilli Bashkiak i Tiranës është përfshirë nga debatet sot për projektin “Eko Tirana”.
Këshilltarët demokratë u larguan nga mbledhja pasi deklaruan se nuk u jepet e drejta e fjalës.
“Nuk po kryejmë dot funksionin me të cilën na kanë ngarkuar qytetarët aty brenda. Do të dorëzojmë mandatet pasi nuk na lejohet fjala”, tha Kreshnik Çollaku.
Projekti “Eko Tirana”
Bashkia e Tiranës ka hartuar projektvendimin që t’i kalojë pa kundërshpërblim shoqërisë “Eco Tirana” Parkun e Transporteve në rrugën Don Bosko, me një sipërfaqe toke prej rreth 22 mijë metra katror.
Kjo sipërfaqe, që deri tani ishte në pronësi të Bashkisë Tiranë, i jepet me qëllim ndërtimin e infrastrukturës së nevojshme për ushtrimin e funksioneve të shoqërisë “Eco Tirana sha”, shoqërisë së krijuar në maj nga Bashkia për menaxhimin e mbeturinave dhe ku Bashkia ka 51% të aksioneve.
Afati i përdorimit do të jetë 25 vjet.
