Trajneri i Shqipërisë, Xhani de Biazi është shprehur i kënaqur për rezultatin por jo dhe aq për lojën pasi ishte i mendimit se kuqezinjtë mund të kishin luajtur dhe më mirë.
Italiani theksoi në përfundim të ndeshjes në Vaduz, tha se lojtari i ndeshjes ishte Hyka. Për vendin e parë në grup pas barazimit të ndeshjes Itali¬Spanjë, De Biazi tha se kjo nuk do të thotë asgjë pasi deri tani janë luajtur vetëm dy ndeshje në grup. Italini nuk e sheh vendin e parë në grup si një avantazh në rrugëtimin drejt një vendi në Botërorin 2018. Pas ndeshjes, për mikrofonin e TVSH, ai bëri të qartë se ishte ende herët për të folur për çështje të tilla, qoftë edhe për Spanjën.
Për fitoren
Luajtëm një ndeshje që sipas meje e kemi interpretuar mirë, ndoshta mund ta luanim edhe me më shumë kualitet. Por të luash këtë ndeshje nuk është e lehtë për askënd. Por është një rezultat i rëndësishëm që na jep besim për më vonë. Për modulin e ri të lojës Kemi luajtur një mënyrë tjetër nga e zakonshmja, jo aq mirë sa shpresoja por kemi krijuar raste. Më kënaq që shënuam gol sidomos me Balajn, i cili kishte nevojë për vazhdimësi.
Për Hykën
Ka bërë një ndeshje të bukur, një gol të bukur që na hapi rrugën e fitores. Ka bërë një paraqitje të mirë dhe më bëhet qejfi që e vlerësojnë edhe ekspertët. Për barazimin e Italisë dhe Spanjës Nuk ka vlerë vendi i parë, kemi bërë dy ndeshje. Kemi pasur edhe një kalendar të përshtatshëm, zakonisht në favorin tonë nuk ka asgjë. Italia dhe Spanja u përballën me njëri¬tjetrin dhe ata janë favoritet për vendet e para. Pas dy ditësh do të shohim më mirë situatën. Ndeshja me Spanjën Për të do të mendojmë nesër. Më lini të verifikoj dhe analizoj fitoren e sotme, të shohim si jemi fizikisht. Mendoj se nuk kemi probleme gjithsesi. Do të përgatitim një ndeshje që është shumë e vështirë për ne.
